TARAQQIYOTNING “O`ZBEK MODELI” VA UNING O`ZIGA XOS XUSUSIYATLARI

TARAQQIYOTNING “O`ZBEK MODELI”  VA UNING O`ZIGA XOS XUSUSIYATLARI

REJA:

1.    Islom Karimov-mustaqil O’zbekiston taraqqiyot  yo’lining ijodkori va tashabbuskori

2.    Taraqqiyotning o’zbek modeli

3.    Ijtimoiy jihatdan yo’naltirilgan bozor iqtisodiyotini ko’rish - mustaqil O’zbekiston ichkli siyosatining negizi

Islom Karimov-mustaqil O’zbekiston taraqqiyot  yo’lining ijodkori va tashabbuskori

Mustaqillikka erishilishi munosabati bilan O’zbekiston Respublikasi oldida kelajakda qaysi yo’lda va qanday rivojlanish kerak degan og’ir va qiyin savollar ko’ndalang bo’lib turdi.

Inqilobiy siltov, sakrash orqalimi yoki mavjud ahvol va imkoniyatlarni hisobga olgan holda tadrijiy, bosqichma-bosqichli o’zgarishlar yo’li evolyutsion yo’l bilanmi?

Turli mamlakatlar va xalqlar tarixida bu ikki variant bir necha bor sinovlardan o’tgan. Tarix tajribasi va taraqqiy etgan mamlakatlar amaliyoti shuni aniq isbotlamoqdaki, jamiyat taraqqiyoti va tsivilizatsiyaning haqiqiy yo’li – bu tabiiy-tarixiy, evolyutsion jarayondir. Taraqqiyot zaminida mafkuraviy aqidalar emas, balki iqtisodiyotning ob’ektiv qonuniyatlari yotadi. Haqiqiy taraqqiyotga muqarrar ravishda qurbonlar va vayronliklarga olib keladigan inqilobiy siltovlar orqali emas, balki asta-sekin va bosqichma-bosqich rivojlanish natijasida erishiladi.